148             TESTAMENTS ENREGISTRÉS AU PARLEMENT DE PARIS          (388)
édifices des diz lieux estoient en grant ruyne et que à present ilz sont en bon point et bien soustenuz, il requist et requiert à son dit succes­seur que des réparacions desqueles il pourroit faire demande aux exe­cuteurs de son testament ou à ses heritiers, il vueille estre content, et qu'ilz en demeurent quictes et paisibles, sans ce que son dit successeur leur en puisse aucune chose demander. Voires est que en la maison de Marueil le dit testateur a fait fort ouvrer, comme il appert, combien qu'il y ait encores assez à faire, car elle a esté arse deux foiz par les guerres, et n'a pas semblé expédient au dit testateur d'y faire autres ouvrages, tant pour doubte des guerres apparans comme pour ce que la dicte maison est de petite revenue, les charges paiées deues à chapitre et à autres; et n'eussent passouffy les revenues de l'eveschié, consideré les autres affaires, à mettre la dicte maison en l'estat qu'elle estoit avant qu'elle feust arse, ainsi qu'il fu bien noté et advisié en faisant l'accord des réparacions avecques les executeurs du testament de son dit predecesseur.
Et ou cas que le dit successeur ne seroit content de ce que dessus est dit, le dit testateur des maintenant pour lors revoqué les laiz des­sus diz faiz à son dit successeur, et volt et ordonna tous yceuls laiz estre et demourer au proufit de l'execucion de ce present testament, et que ses executeurs et heritiers se défendent par voye de raison et de jus­tice. Et n'est pas sem entencion que es utensiles dessus diz soient com­prins llz, couvertures, linges, chambres, tapiz, banquiers, quarreaux, courtines, grains, vins, ne autres garnisons d'ostel.
Item, Ie dit testateur laissa au chapitre de sa dicte eglise de Nostre Dame d'Arraz sa bonne chapelle noire entiere, pour y faire roffice des mors, sa meilleur chappe de drap d'or vermeil et un ymage de Nostre Dame d'argent doré, la plus grande des deux siennes, pour mettre sur l'autel aux festes solenneles, pesant trente trois marcs d'argent ou environ.
Item, afin que les chanoines de sa dicte eglise, presens et à venir, eussent et ayent plus grant memoire et devocion de prier Dieu pour l'ame de lui, il laissa encores à sa dicte eglise un sien livre en trois ou